Novas
Xornada “Oportunidades de intercambios comerciais con Ucraína”
O 17 de abril, terá lugar na sede da Confederación de Empresarios de Galicia (CEG), a Xornada sobre Ucraína, organizada pola CEG e a Embaixada de Ucraína en España, coa colaboración da Fundación Europeos con Ucraína.
Este evento contará coa participación do Embaixador de Ucraína en España, Excmo. Sr. Serhii Pohoreltsev, e está destinada a explorar as posibilidades de intercambio comercial entre ambas as zonas, no escenario actual, e analizar as perspectivas de colaboración a futuro.
O obxectivo é coñecer de primeira man a realidade económica, comercial e financeira do país, tras máis de dous anos en guerra, e mostrar o compromiso e apoio de España e Galicia na reconstrución do país, reforzando a colaboración entre ambas as zonas para tratar de contribuír á recuperación económica.
As empresas galegas terán sen dúbida un papel relevante nesta reconstrución. Por tal motivo gustaríanos analizar contigo as oportunidades de relación comercial e poñer ao servizo de Ucraína o noso talento e experiencia en sectores craves para a recuperación do país, como son as infraestruturas, os transportes ou as enerxías renovables, entre outros. Más precisamente teñen intereses concretos en: blindaxe de vehículos, construción, material sanitario, telecomunicacións e sector agroalimentario.
Ademais, contaremos con intervencións de empresas ucraínas, por vía telemática desde Ucraína, para presentarnos os sectores estratéxicos e as oportunidades concretas, en campos como o mercado de grans ucraíno, ou o das tecnoloxías da información
Tras a finalización destas intervencións abrirase un coloquio coas persoas asistentes.
Igualmente, o presidente da Fundación Europeos con Ucraína, D. Antonio Javier Corredoira Alfonso, falaranos dos proxectos solidarios que, desde Galicia, a Fundación está a levar a cabo.
Información para asistir:
