Para todos aqueles interesados en ampliar os seus coñecementos sobre os procedementos contractuais que rexen os contratos de consultoría, obra e subministracións poden acceder á versión en inglés do curso PRAG, coñecido como “Guía práctica de procedementos contractuais en accións exteriores da UE”, a cal, foi renovada para ofrecer información actualizada sobre os procedementos fundamentais aplicados a contratos públicos e de subvención no ámbito da acción exterior da Unión Europea.

Cunha estrutura dividida en 12 módulos e enfoques distintos (“Por que” e “Como”), este curso está dirixido ao persoal da Dirección Xeral de Asociacións Internacionais, tanto na sede como nas delegacións, así como a usuarios externos, incluíndo autoridades de países socios, axencias de cooperación, organizacións internacionais e da sociedade civil, entre outros.

Ao completar este programa, os participantes obterán:

1. Unha visión xeral do contexto xeral da acción exterior da UE.
2. Familiaridade coas normas e procedementos básicos aplicados a contratos de axuda exterior da UE e a súa implementación.

Para acceder a este curso podes seguir a seguinte ligazón.