O Corporate Procurement do Banco Mundial son as compras corporativas que o Banco realiza para si mesmo, tanto na preparación de proxectos de consultoría mediante asistencias técnicas, como para compras de bens ou traballos de obras para o propio Banco.

Existen diferentes métodos de selección para a contratación de empresas e consultores individuais. Dependendo do orzamento do proxecto podemos atopar contratos de consultoría que se anuncian na plataforma do Banco de maneira aberta – a partir de 250.000 dólares. Doutra banda, temos os contratos de ata 250.000 dólares para os que é necesario rexistrarse previamente na plataforma de contratación do Banco como Vendor (provedor acreditado). E por último os contratos menores de 50.000 dólares que poden ser adxudicados de maneira directa polo Banco.

O rexistro na plataforma de Corporate Procurement do Banco Mundial realízase a través do portal WBGeProcure RFx Now, que permite buscar oportunidades, expresar interese e presentar propostas.

Ao buscar oportunidades de contratación co Banco Mundial, é importante consultar os plans de adquisicións, os marcos de asociación de países, o portafolio de proxectos para ir preparando toda a documentación requirida e presentar unha oferta técnica adaptada aos pregos. Tamén hai que estar dispostos a desprazarnos para realizar os traballos cando así se requira, ser activos á hora de establecer unha rede de contactos cos Team Leaders ou Xefes de Proxecto do Banco, así como manter un perfil profesional en redes sociais activo con contido de relevancia no noso sector.

Por último, fíxose referencia á fiscalidade dos proxectos e reflexionouse sobre os próximos cambios dentro do propio Banco Mundial relacionados co Acordo de París sobre o cambio climático, aliñando as súas operacións cos obxectivos de mitigación e adaptación. Así mesmo, tamén se fixo referencia ao cambio na presidencia do Banco Mundial, pasando de David Malpass (nomeado por Donald Trump e acusado de ser escéptico sobre o cambio climático) a Ajay Banga, co obxectivo de incorporar ao sector privado nas actividades do banco.

En conclusión, os contratos de consultoría en Corporate Procurement do Banco Mundial ofrecen interesantes oportunidades de negocio para as empresas galegas en todos os sectores de actividade, aínda que requiren dun coñecemento previo sobre os procedementos de contratación do banco para prepararse adecuadamente e licitar con éxito.

Desde SALT ofrecemos asesoramento para a presentación de licitacións e acompañamento en todas as etapas do proceso.