O Banco Europeo para a Reconstrución e o Desenvolvemento (BERD) ven de conceder un préstamo de 99,1 millóns de euros ao conglomerado portugués Mota-Engil para apoiar o crecemento do sector mineiro en Costa de Marfil e Senegal.

O obxectivo fundamental da operación é a modernización da minaría nos países co gallo de aumentar a produtividade. Así, a maior parte dos investimentos irán destinados á compra de novo equipamento, ao re-financiamento do investimento en tres minas e ao apoio da necesidade fondo de manobra.

Adicionalmente Mota-Engil realizará investimentos estratéxicos para a mellora das habilidades e capacidades da man de obra local, a través da posta en marcha de programas de formación técnica acreditada en colaboración coas institucións educativas nacionais.

Desta maneira, a iniciativa apoiará o achegamento de quen participe ás capacitacións técnicas demandadas pola industria mineira contemporánea, o que repercutirá positivamente no acceso a emprego cualificado.

A empresa aplicará medidas para reforzar a presenza feminina no sector coa aplicación de iniciativas nos ámbitos do recrutamento, retención e avanzo das mulleres tanto en posicións técnicas como de liderado.

Estes 99,1 millóns de euros súmanse aos máis de 620 millóns que o BERD xa investiu na rexión, espallados entre Benín, Costa de Marfil, Quenia, Nixeria e Senegal e atinxindo múltiples sectores: financeiro, infraestruturas, enerxía, recursos naturais, telecomunicacións e agronegocio.

Accede á noticia completa na seguinte ligazón.

Descubre as oportunidades de negocio que o Banco Europeo de Reconstrución e Desenvolvemento e outros organismos multilaterais ofrecen ao sector privado na África e outras rexións do mundo. Rexístratena nosa plataforma web SALT e contactaremos contigo!