O Banco Centroamericano de Integración Económica (BCIE) aprobou un investimento de 120 millóns de dólares estadounidenses para a construción, ampliación e modernización de catro centros sanitarios e hospitalarios no cadro do Programa de Infraestruturas de Saúde na República do Panamá.

En concreto, irase intervir sobre o Novo Hospital do Panamá Norte, o Hospital Joaquín Pablo Franco Sayas, o Novo Hospital das Cañazas e o Centro de Saúde de Curundú, o que se traduce na incorporación ou rehabilitación dun total de 77,172 metros cadrados e no acrecentamento de 342 camas hospitalarias.

Alén, incorporaranse espazos dedicados á docencia e residencia médica para facilitar a formación dun mínimo de 34 novas doutoras, así como equipas para a mellora do atendemento en 11 especialidades médicas; co gallo de reducir as listas de agarda e permitir até 7,250 cirurxías anuais.

Por medio desta iniciativa o BCIE contribuirá ao fortalecemento do sistema de saúde do Panamá, a través da mellora do acceso aos servizos sanitarios e o aumento da súa calidade. O obxectivo final é que os efectos desta medida alcancen máis de 614 mil persoas de diferentes territorios do país centroamericano.

Accede á noticia completa na seguinte ligazón.

Descubre as oportunidades de negocio que o Banco Centroamericano de Integración Económica e outros organismos multilaterais ofrecen ao sector privado na América Latina e outras rexións do mundo. Rexístratena nosa plataforma web SALT e contactaremos contigo!