Os bancos Europeo de Investimentos (EIB Global) e Africano de Desenvolvemento (AfDB) anunciaron un investimento conxunto de 275 millóns de dólares destinada a renovar e ampliar a liña ferroviaria que conecta as minas de ferro de Zouerate co porto atlántico de Nouadhibou, eixo central das exportacións mauritanas. O acordo, asinado durante o Africa Investment Forum 2025, combina unha achega de 150 millóns por parte do AfDB e 125 millóns do EIB Global, este último apoiado por garantías da Unión Europea Ambos os fondos outorgaranse directamente á empresa estatal SNIM mediante préstamos ao sector privado.

O proxecto financiará a rehabilitación da vía actual, a construción de 42 quilómetros adicionais cara aos futuros xacementos do Aouj e Atomai e a incorporación de locomotoras, vagóns e equipos de mantemento máis eficientes. Con iso búscase aumentar a capacidade de transporte, reducir o consumo de combustible e mellorar a seguridade operativa nun roteiro que transporta o principal recurso exportado polo país.

A operación enmárcase na estratexia Global Gateway da Unión Europea, que impulsa investimentos en infraestruturas sostibles e cadeas de subministración responsables. Ademais, contribúe ás prioridades industriais de Mauritania, ao reforzar a súa competitividade no mercado internacional do ferro e mellorar a súa integración nos fluxos comerciais globais. O proxecto tamén prevé xerar emprego, fortalecer a conectividade rexional e aumentar a resiliencia do corredor #ante riscos climáticos.

Con esta modernización, Mauritania proxecta consolidar a súa posición como actor relevante na cadea global de materias primas, apoiándose nunha infraestrutura ferroviaria máis eficiente, segura e aliñada con estándares de sustentabilidade ambiental e social.

Consulta a noticia completa na seguinte ligazón.

Descobre as oportunidades de negocio que os organismos multilaterais ofrecen ao sector privado, rexístrache na nosa plataforma web SALT e poñerémonos en contacto contigo!